Branchen

Eise Grupp ass a sechs Branchen agedeelt — sou sinn d'Aktivitéiten op all Alter ugepasst.

Biber

6–8 Joer

🕑 Versammlungen: Samschdes vun 14h30 bis 16h30 (zesumme mat de Wëllefcher)

An dëser Branche wëlle mir de Kanner d'Liewen am Grupp, Respekt fir deen aneren a fir d'Natur méi no bréngen. Dofier sinn mir vill dobaussen, wou Kanner hiert Emfëld entdecken kënnen a nei Sachen léieren.

Ons jëngst Branche huet aktuell hier Versammlungen Samschdes Mëttes vun 14h30 bis 16h30, zesummen mat de Wëllefcher.

Si ginn e puer Mool Joer ob e Weekend zesummen an am Summer op de Camp zu Lëtzebuerg.

Fir dës Branche mussen Kanner mindenstens am Cycle 2.1 sinn.

Aktuell kënne mir leider keng nei Kanner an dëser Branche ophuelen.

Wëllefcher

8–11 Joer

🕑 Versammlungen: Samschdes vun 14h30 bis 16h30 (zesumme mat de Biber)

An de Wëllefcher entdecken, fuerschen, léieren a schléissen Kanner nei Frëndschafte. Mat ville flotten Aktivitéiten a Spiller dobaussen léieren Kanner ganz elementar Wäerter kennen: Solidaritéit, Verantwortung, Hëllefsbereetschaft, Matgefill, Geschécklechkeet, a.s.w.

Ons 2. Branche huet aktuell hier Versammlungen Samschdes Mëttes vun 14h30 bis 16h30, zesummen mat de Biber.

Si ginn e puer Mool Joer ob e Weekend zesummen an am Summer op de Camp zu Lëtzebuerg.

Aktuell kënne mir leider keng nei Kanner an dëser Branche ophuelen.

AvEx

11–14 Joer

🕑 Versammlungen: Samschdes Moies vun 10h00 bis 11h30

An den AvEx geet et drëms fir ëmmer méi u Selbstännegkeet ze gewannen a fir sech an anerer Verantwortung ze iwwerhuelen. Getrei noom Motto vum Baden Powell «Ask the boy/girl» oder dem Prinzip «learning by doing» kréien déi Jonk ëmmer méi Choix an der Organisatioun an der Ausféierung vun den Aktivitéiten.

AvEx hunn aktuell hier Versammlungen Samschdes Moies vun 10h00 bis 11h30.

Si ginn e puer Mool Joer ob e Weekend zesummen an am Summer op de Camp zu Lëtzebuerg oder am Ausland.

Umeldung fir bei AvEx

CaraPio

14–17 Joer

🕑 Versammlungen: Samschdes Moies vun 10h00 bis 11h30

Bei de CaraPio gëtt vill Wäert op Matbestëmmung, souwuel bei der Wiel a Virbereedung, wéi och beim Duerchzéie vun Aktivitéiten geluecht. Matverantwortung an den Engagement ginn groussgeschriwwe, fir dass de Programm deenen Jonken ugepasst bléift.

CaraPio hunn aktuell hier Versammlungen Samschdes Moies vun 10h00 bis 11h30.

Si ginn e puer Mool Joer ob e Weekend zesummen an am Summer op de Camp zu Lëtzebuerg oder am Ausland.

Umeldung fir bei CaraPio

RaRo

17–23 Joer

🕑 Versammlungen: Flexibel Horairen, no den Disponibilitéiten vun de Jonken

D'Ziler vun de RaRo orientéiere sech un de Besoinen vun de jonken Erwuessenen. D'grousst Zil ass, dass déi jonk Erwuesse lues a lues duerch Aktioune bewosst un hirem Erwuesse-sinn an Engagéiert-si schaffen.

Versammlungen vun de RaRo hunn flexibel Horairen an ginn ugepasst no den Disponibilitéiten vun de Jonken.

Umeldung fir bei RaRo

Albatrossen

+24 Joer

D'Albatrossengrupp ass op fir all jonk Erwuessener, déi Member vun de Guiden a Scouten bleiwe wëllen oder ginn, a méi wéi 24 Joer al sinn. Albatrossen maachen keng reegelméisseg Aktivitéiten: si hëllefe villméi dem Grupp bei Aktivitéiten oder treffen sech ab und zu vir zesummen eppes ze machen.